Haye Sakina Kya Imtehan Tha

Haye Sakina Kya Imtehan Tha,
Zindan-e-Shaam Aur Jafao'n Ka Silsila,
Kya Imtehan Tha-2

1) Mushkil kosha Ali ki jo Pyari Si Pooti thi,
Sine Pe Apne Baap ke Akser Jo Sooti Thi,
Baade Hussain Paas Jo Zainab Ke  Hoti Thi,
Baba Ko Yaad Karke Hamesha Jo Rooti Thi,
Tanhayee Aur Khaak  Ka Bistar Ose Mila.
Kya Imtehan Tha-2

2) Kaise Bataon Zulm Sakina Pe Kya Howa,
Maare Tamache  Shimr  Ne  Kurta Jala Diya,
Chadar Chini Tu Balon Se  Chehra Chupaliya,
Rassi Bandhi Gale Se Tu Zakhmi Howa Gala,
Reh Reh ke  Khoon Kano Se Oske Tapakta Tha.
Kya Imtehan Tha-2

3) Bara Gale Hamare bandhe Thay Rasan Ke Saath,
Leti Thi Saans Bali Sakina  Ghutan Ke  Saath,
Sajjad Khud Bhi Roote Thay Apni Behen ke Saath,
Dekha na Apne Baap Ka Lasha Kafan Ke Saath,
Bazaare Shaam Aur aseerun Ka Qafela.
Kya Imtehan Tha-2

4) Baade Hussain Jeene Ki Surath Badal Gayi,
Seene Pe Soye Rehne Ki Adath Badal Gayi,
Mitti Pe Soote Soote Tabiyath Badal Gayi,
Khaye Tamache Itne Ke Rangath Badal Gayi,
Rooti Tu Khaid Khana Me Kohram Hota Tha.
Kya Imtehan Tha-2

5) Jab Thay Hussain Saath  Tu  Royi Nahi Kabhi,
Ashkho'n se Apne  Chehre Ko Dhoyi Nahi Kabhi,
Andeshaye Aseeri Me  Khoyi Nahi Kabhi,
Baade  Hussain  Sach hai Ke Soyi Nahi Kabhi,
Wo Dekho Abbhi Shaam Se Aati  Hai Ye Sada.
Kya Imtehan Tha-2

6) Hota Hai Bhi Tere Rauze Pe Ye Sitam,
Daish Ye chahati Hai Naho Dare Haram,
Bibi Chalega Jab Tere SHAYAN Ka khalam,
Chutt  Jayinge Andhere Akard jayinge Khadam,
Nauha Padhega Phir Ye MUQARRIB Wahan Tera.

Kya Imtehan Tha Haye  Sakina Kya Imtehaan-2