Batool Ro Padi

Jo Dard Fatima Ne Ali Se Chupaye Hain.
Tanhai Mein Kaneez Ko Apni Sunaye Hain.
Batool Ro padi Fizza Ko Yeh Batatay Hue.

Hasan Ne Dekha Hai Mujh Ko Tamachay Khatay Hue.
Batool Ro padi Fizza Ko Yeh Batatay Hue.

Na Jane Kya Kiya Zalim Ne Fatima Pe Sitam.
Zaeef Ho Gayi Beti Rasool Ki Ik Dam.
Sanad Ke Tukdon Ko Darbar Mein Uthatay Hue.
Batool Ro padi Fizza Ko Yeh Batatay Hue.

Main Aaj Shehar-e-Madina Ko Hi Mita Doon Gi.
Agar Ali Ko Na Chora Tu Bad Dua Doon Gi.
Kaha Batool Ne Sar Se Rida Hatatay Hue.
Batool Ro padi Fizza Ko Yeh Batatay Hue.

Jo Mujh Pe Guzri Hai Mujh Se Na Ho Sakay Gi Bayaan.
Woh Dekho Ab Bhi Hain Dewar Par Lahu Ke Nishaan.
Main Dekhti Hoon Inhein Roz Aate Jate Hue.
Batool Ro padi Fizza Ko Yeh Batatay Hue.

Bataya Sab Ko Jo Mafhoom Hai Wilayat Ka.
Labhoon Pe Shikwa Na Bint-e-Rasool Ki Aaya.
Ali Ali Hi Kiya Taziyane Khatay Hue.
Batool Ro padi Fizza Ko Yeh Batatay Hue.

Woh Mujh Se Chup Ke Meri Bekasi Pe Rota Hai.
Khiyal Rakhna Yeh Nazuk Mizaj Beta Hai.
Mere Janazay Se Shabeer Ko Hatatay Hue.
Batool Ro padi Fizza Ko Yeh Batatay Hue.

Abu Al-Hasan Ko Tha Patkay Se Main Ne Thama Howa.
Magar Laeen Ne Durray Se Youn Mujhe Mara.
Zameen Pe Gar Gayi Fizza Main Larkharatay Hue.
Batool Ro padi Fizza Ko Yeh Batatay Hue.

Baroz-e-Hashar Main Mehdi Ko Yeh Bataon Gi.
Tamam Pasliyaan Tooti Hain Iss Liye Meri.
Laeen Ne Mara Tha Thokar Se Aate Jate Hue.
Batool Ro padi Fizza Ko Yeh Batatay Hue.

Mera Fareza Nibhaye Gi Ladli Meri.
Ghiray Ga Sholon Mein Jis Waqt Aik Our Ali.
Chaley Gi Aag Pe Zainab Ossay Bachatay Hue.
Batool Ro padi Fizza Ko Yeh Batatay Hue.

Padar Ki Qabar Pe Akbar Woh Ro Ke Kehti Thi.
Hifazat Aap Ne Mujh Ko Ali Ki Sonpi Thi.
Tamachay Main Ne Hain Khaye Unhein Bachatay Hue.
Batool Ro padi Fizza Ko Yeh Batatay Hue.