Bolo Ya Hussain

Ya Hussain Ya Hussain
Ya Hussain Ya Hussain

Aey Sheh Ke Pursadaro Sada Do Hussain Ko
Maula Ke Ja Nisaro Sada Do Hussain Ko
Phir Waqt Ke Yazid Uthane Lage Hain Sar
Milkar Hussain Walo Sada Do Hussain Ko

Ya Hussain Ya Hussain
Ya Hussain Ya Hussain

Aati Hai Karbala Se Sada Bolo Ya Hussain (as)

Aati Hai Karbala Se Sada Bolo Ya Hussain (as)
Raazi Nabi Ho Raazi Khuda Bolo Ya Hussain (as)


Shor Hussaina Ka Machao Gali Gali
Jaise Sadayen De Rahi Hon Binte Ali {Binte Ali}
Ye Wird Rooh Ki Hai Ghiza Bolo Ya Hussain (as)


Kaba Baraye Ahle Wafa Hai Mariya
Zamin Wila Ki Aur Aza Ki Nainawa {Nainawa}
Dil Mein Ali Ki Rahe Wila Bolo Ya Hussain (as)


Madare Sheh Ke Saamne Hone Surkh Rooh
Tum Bhi Azane Matam Do Ho Ke Ba Wazu {Ba Wazu}
Dil Ko Bana Ke Farshe Aza Bolo Ya Hussain (as)


Ye Hai Saware Doshe Md Aey Kalmago
Kya Hai Hussain o Minni Zara To Ghaur Karo {Ghaur Karo}
Hai Ye Hi Mustafa Se Wafa Bolo Ya Hussain (as)


Dashte Bala Ki Khaak Saja Kar Jabin Per
Palkoñ Se Kar Ke Sajda Dare Shahe Deen Per {Deen Per}
Zawware Arze Karbobala Bolo Ya Hussain (as)


Dil Se Gunahoñ Per Huwa Wo Ashkbaar
Nadim Huwa Jab Apne Kiye Per Dil Figaar {Dil Figaar}
Zameere Hur Ne Hur Se Kaha Bolo Ya Hussain (as)


Nusqa Hai Ye Bhi Rooh Ki Rahat Ke Waaste
Jo Matami Hai Uski Shifa'at Ke Waaste {Ke Waaste}
Rakh Kar Kafan Mein khake Shifa Bolo Ya Hussain (as)


Dil Se Duaeñ Dene Aayengi Binte Rasool
Aur Lengi Pursa Pisar Ka Bibi Batool {Bibi Batool}
Ghar Mein Bichah Kar Farshe Aza Bolo Ya Hussain {as}

Abbas Maula Babul Hawaij Sunlo Sada
Humko Dikha Do Jageere Akbar Ba Wafa {Ba Wafa}
Kar Ke Alam Pa Yahi Dua Bolo Ya Hussain (as)


Shah Ka Ghum Hai Seenoñ Mein Sar Pa Parcham Khula
Rawañ Dawañ Hai Karwañ Sooye Karbobala {Karbobala}
Goonj Rahi Hai Yahi Nida Bolo Ya Hussain (as)


Matam Kiya Jo Hum Per Khuda Ne Khola Ye Raaz
Jawad o Shozab Farshe Aza Bhi Hai Ja Namaz {Hai Ja Namaz}
Kar Ke Namaze Ishq Ada Bolo Ya Hussain (as)


Aati Hai Karbala Se Sada Bolo Ya Hussain (as)
Raazi Nabi Ho Raazi Khuda Bolo Ya Hussain (as)

Ya Hussain Ya Hussain
Ya Hussain Ya Hussain (as)