Aye mere Asger Tujhe Maa

Aye mere asgar tujhe maa dhondne jaye kaha'n
Dasht Mai Milte Nahi Hain Tere Khadmo'n ke Nisha'n.

1) Rat kali Ghup Andhera Dasht Mai Tum Ho Kaha
Agaya Pani Utho Pilo Mere Tashna Daha'n,
Hath Mai Kuza Liye Thi Ye .Sakina ki fuga'n.
Aye mere asgar tujhe maa dhondne jaye kaha'n------3

2) Zeenate Aghoshe Madar Aye Mere Tashna Daha'n,
Meri Ankho ke Ujale Aye Mere Roohe Rawa'n,
Dekh kr naize p tujh ko dil se uth ta hai dhuwa'n.
Aye mere asgar tujhe maa dhondne jaye kaha'n------3

3) Reshmi Wo Baal Tere Chand Sa Chehra Tera,
Muskurana Gul Ne Sikha deykh kar Hasna Tera,
Tere Jhule Ko Jhula Kar Kisko De Maa'n Loriyaa.
Aye mere asgar tujhe maa dhondne jaye kaha'n------3

4) Girgaye Jhule Se Apna Sunke Halmin Ki Sada,
Is Tarha Tege Tabassum Se Kia Tum Ne Wega,
Deykh Kar Hamla Tera slSab ..Keh Rahe Thay Al-Ama'n.
Aye mere asgar tujhe maa dhondne jaye kaha'n------3

5) Ghutniyo Chalna Na Sikha Agayi Tujhko Qaza,
Sogaye Dashte Bala Mai Chord kar Pehlu Mera,
Ro Raha Tha Asma'n b Sunke Madar Ki Fuga'n.
Aye mere asgar tujhe maa dhondne jaye kaha'n------3

6) Hasliya Baqi Rahi Aur Doodh Bhi Chuta Nahi,
Ek Nazar Tujhko Kabhi Suraj Ne Bhi Dekha Nahi,
Maa Teri Gurbat Ke Sadqe Aye Mere Tashna daha'n.
Aye mere asgar tujhe maa dhondne jaye kaha'n------3

7) BeKafan Lasha Pada Hai Aur Badan Pe Sar Nahi'n,
Tere Lashe Par Udha Ne Farq Pe chadar Nahi'n,
Khoon Ka Bistar Hai Tera Dhop Ka Hai Sayeba'n.
Aye mere asgar tujhe maa dhondne jaye kaha'n-----3

8) Maa Ne Dekha Farqe Asgar Karbala se Sham Tak,
Ek Qayamat Ka Tha Manzar Karbala Se Sham Tak
Zara Zarra Roraha Tha Sunke Madar Ka Bayan.
Aye mere asgar tujhe maa dhondne jaye kaha'n------3

9) Raat Ki Tanhaiyo Mai Yaad Karke Laal Ko,
Nouha Mazher Ka Sunakar Aye Muqarrib Ye suno,
Haye asgar haye asgar kis tarha kehti hai maa___

Aye Mere Asgar Tujhe Maa Dhoondne Jaye Kaha'n------3