Wahin Hai Sare Masayeb Jahan Sakina Hai

Wahi’n Hai’n Sare Masayeb Jaha’n Sakina Hai
Nigahe’n Dhoo’ndh Rahi Hain Kaha’n Sakinah Hai

Paresha’n Haal Phuphi Ka Hai Bain Ay Abbas
Mei’n Tum Se Puch Rahi Hoo’n Kaha’n Sakina Hai
Wahi’n Hain Sare Masayeb...

Ye Sin Ye Baar e Masayeb Ye Sakhtiyo’n Ke Pahad
Ghazab Hai Char Baras Mei’n Kama’n Sakinah Hai
Wahi’n Hain Sare Masayeb...

Isi LIy eTo Sitamgar Ne Sitam Dhaye
Unhe’n Khabar Hai Shahe Deen Ki Jaa’n Sakinah Hai
Wahi’n Hain Sare Masayeb...

Who Shehr Jis Mei’n Hukumat Thi Jis Ke Baba Ki

Wahi Hai Shehr Magar Be Amaa’n Sakinah Hai
Wahi’n Hain Sare Masayeb...

Har Ek Aah Pe Pehra Sitam Zarifo’n Ka
Zubaan Rakhte Huwe Be Zuba’an Sakinah Hai
Wahi’n Hain Sare Masayeb...

Ye Keh Rahi Thi Rasan Basta Bibiyo’n Se Phuphi
Sambhal Ke Chalna Zara Darmiya’n Sakinah Hai
Wahi’n Hain Sare Masayeb...

Abhi Hai’n Baba Pe Rone Ki Hasrate’n Dil Mei’n
Jaha’n Hussain Ki Majlis Waha’n Sakinah Hai
Wahi’n Hain Sare Masayeb...

“Faseel” Maang Le Is Chhoti Shahzadi Se
Qasam Jari Ki Badi Mehrba’n Sakinah Hai
Wahi’n Hain Sare Masayeb...