Ya Sarallah Hussain

Saath apne leke haidare safdar ki zulfiqar
Hatho'n me hoga parchame abbase namdar
Hoga zuhur e muntaqime khoone kirdegar
Har matami ko sadiyo'n se hai uska intezar
Jab warise husain zamane me aaega
Kaabe ki chhat se wo yahi nara lagaega

Ya Sarallah Hussain Ya Sarallah Hussain Ya Sarallah Hussain…

Aye mere maula yahi
lab pe rehti hai sada
main bhi aye maula mere dekh lu'n karbobala…

Yahi kaano me har ek simt se aati hai sada,
Jald ho jaegi tujh pe tere maula ki ata.
meri saanso ne kaha,
meri aaho ne kaha,
Ho ispe jaa'n meri fida…

Rouza e shah se jannat ki hawa aati hai,
Roohe insa'n yaha'n bakshish ki sanad paati hai,
Aye shahe karbobala
Dekh lu'n rauza tera.
Yahi bus dil ki hai dua.

Karbala dekh lu'n ek baar yahi chahat hai.
Chahne walo'n ke dil me yahi ek hasrat hai
Karbala hai wo zami,
Jaha'n koi na kami,
Iski mitti me hai shifa....

Ye zami wo hai jaha'n di ali Akbar ne aza'n,
Hogi mehsus tumhe baali sakina ki fuga,
Meri manzil hai yahii,
mujhko jana hai wahi,
Meri khalik se hai dua…

har azadar ke dil ki hai sada ya maula,
Ho ata matame sarwar ki gheza ya maula,
Nahi kuch chahiye ab,
karbala chahiye bus,
Tere zawwar ne kaha…

Mujhko shabbir ke rouze ki ziyarat hogi,
Aur Abbas ke rouze pe ibadat hogi,
Leke ghazi ka alam
Jayenge khuld me ham,
Puri ho jaaye gar dua…

Bas isi aas me aayenge wo Aane wale,
Jee rahe hain ghame shabbir manane wale,
Noore haq di'n ka wali,
Aayega jab wo ali,
Har taraf gunjegi sada…

Hai saji karbobala Fatima ke gulshan se,
Nouha maula ne yun likhwaya Ayaz Ahsan se,
Meri ab ye hai dua,
Sar zamee’n karbala,
Tujhpe bas chahiye qaza…