Jawa'n ki laash pe tanha

Jawa'n ki laash pe tanha hussain rote hain
Uthaye'n kaise janaza hussain rote hain

1..
Kaha ye bete se mood mood ke dekte jana
Palat ke dekha tou baba hussain rote hain

2..
Tamam umr tou baba se kuch nahi manga
Ab oos ne paani hai manga hussain rote hain

3..
Zaban khushk hai aisi ke pad gaye kaante
Pisar ko dekh ke pyasa hussain rote hain

4.....
Duaae jeene ki khat me likhi hain tu ne jise 
Wo bhai mar gaya sughra hussain rote hain

5...
Jigar ko le ke yu barchi ka phal nikal aya
Sina ko khech ke maula hussain rote hain

6...
Zaaeef kandho pe kadiyal jawan ka lasha
Koi tou de do sahara hussain rote hain

7..
Mere hussain ki kuch aisi dastaa'n hai raza
Kalam bhi likh ke ye roya hussain rote hain....