Aao Amma Ko Rukhsat Karo

Zahra Ko De Chuke Jo Ali Gusl Aur Kafan
Mayyat Ko Rakh Ke Bole Ye Ghar Mein Shahe Zaman
Aao Amma Ko Rukhsat Karo Aye..

Aao Amma Ko Rukhsat Karo Aye Husain a.s...2

Ab Na Amma Milegi Tumhe Mahlaqa...
Aao Amma Ko Rukhsat Karo Aye Husain a.s..

1)Aao Deedar Aakhir Ye Maañ Ka Karo
Jo Bhi Kahna Hai Aakar Wo Maañ Se Kaho
Maañ Tardap Jayegi Is Tarha Tu Na Ro
Peyar Tujhse Bahut Karti Thi Fatima s.a...

Aao Amma Ko Rukhsat Karo Aye Husain a.s...2

2)Tumse Zahra Ko Ulfat Bahut Thi Husain
Tere Bin Ek Pal Bhi Naa Paati Thi Chain
Aa Ja UthKe Wahañ Se Mere Nooreain
Dekho Beta Na Rona Kabhi Is Tarha...

Aao Amma Ko Rukhsat Karo Aye Hussain...2

3)Shab Ko Uth Kar Ke Pani Pilati Thi Maañ
Apne Sine Pe Beta Sulati Thi Maañ
Tere Rone Se Haye Tardapti Thi Maañ
Taaki Thora Sukuñ Pa Sake Fatima s.a...

Aao Amma Ko Rukhsat Karo Aye Hussain...2

4)Waqt Shab Ka Guzarta Hai Dekho Aye Laal
Maañ Ko Bhi Ye Lahed Mein Rahe Ga Malaal
Mujhse Milne Na Aaya Wo Yusuf Jamaal
Shab Na Dhal Jaye Hona Kahiñ Ab...

Aao Amma Ko Rukhsat Karo Aye Hussain...2

5)Sunke Baba Ki Bateñ Ye Kahne Lage
Amma KehKar Ke Sheh Aur Rone Lage
Baith Kar Ke Zamiñ Par tardapne Lage
Maañ Bulayegi Jab Tak Mai Aaunga Na...

Aao Amma Ko Rukhsat Karo Aye Hussain...2

6)Sunke Bete Ki Bateñ Ye Aai Sada
Maañ Ne Bande Kafan Todkar Ke Kaha
Aaja Sine Se Lagja Mere Mahlaqa
Maañ Se Mil Kar Bahut Roya Phir Ladlaa...

Aao Amma Ko Rukhsat Karo Aye Hussain...2

7)Deer Tak Fatima Se Kya Bateñ Huwi
Kuch Kisi Ko Khabar Hi Nahi Mil Saki
Hatife Ghaibi Ki Ye Sada Aa Gaiii
Kardo Maañ Se Ali Ja Ke Jaldi Juda...

Aao Amma Ko Rukhsat Karo Aye Hussain...2

8)Bateñ Jo Thi Huwi Fatima Se "Wafa"
Asre Aashur "Dayem" Pata ye chala
Girte Ghode Se Zahra Ko Dii Jab Sada
Amma Aao Jao Wo Waqt Aa Hi Gaya...

Aao Amma Ko Rukhsat Karo Aye Husain...2